迪科爾（右）嘅爸爸早前喺歐國盃期間過咗身，已經夠慘啦，估唔到最近又有親人離世；佢表妹（左）喺一間酒店嘅泳池游水時，咁啱唔好彩有條鬆落嘅電線跌落水，令佢不幸地觸電死亡。呢位熱刺前鋒當然傷心到爆啦，更講到明唔接受酒店方面嘅解釋，仲諗住化身神探伽俐略去調查事件。雖然唔知迪科爾會查到啲咩，但咁嘅意外都發生得，確實唔嬲至奇！