林莉噚日喺銅鑼灣為時裝品牌行騷，佢着上性感肚兜形嘅晚裝出場，林莉話為咗着呢件衫而要節食，佢話：「我已經幾日冇食過澱粉質，只係食沙津，因為我唔想腰間有肥肉。」林莉話本嚟都抗拒着設計咁性感嘅衫，仲話：「聽講肚兜係古代人嘅內衣，不過真係太靚。我本嚟預咗膠墊墊胸，但係喺後台黐咗幾分鐘就跌咗落嚟，所以家喺入面係冇嘢。」