「黃老師」自從拍完「短毛」套電影《六月飛霜》後，中港台三地知名度大增，苟哥最估唔到嘅係佢竟然臨老先至同「好鬼凍」搞埋一齊，仲為咗好鬼凍而同老婆離婚，不顧幾十年嚟嘅夫妻情份。
最近黃老師仲癲到話要同好鬼凍結婚，話要同佢喺內地註冊成為合法夫妻，不過對於事業如日方中嘅好鬼凍嚟講，對結婚嘅事當然仲有所保留。
鬼咩！苟哥知道好鬼凍唔止得黃老師一個男人，背後仲同內地某大地產商老闆搞埋一齊，呢個地產金主係佢投資拍戲嘅大水喉嚟，如果俾金主知道佢同黃老師結咗婚，等如自斷財路，試問好鬼凍又點會咁傻，只要愛情，唔要麵包呀！
撰文：辰苟