倫敦奧運正式開幕了，其實早在開幕之前，男、女子足球搶先開波，睇了兩場，女子組日本對加拿大，和男子組日本對西班牙，再加上前陣子碧咸落選英國奧足，反而他的曼聯舊隊友傑斯入選，讓我更重視今屆奧運足球。
向來不是曼聯擁躉，但我係傑斯粉絲，當年紅魔鐵粉李克勤為長子取名Ryan而不是David，我心底下暗自喝采，認為克勤確係識波有眼光。可是我一場傑斯參與的國際賽都沒有睇過，誰叫他選擇代表威爾斯而不代表英格蘭，所以難得他以接近39歲之齡還有機會代表英國，怎可以不支持？
我喜歡傑斯細膩的腳法，更喜歡他沉着應戰的態度，他從不是光芒四射的萬人迷，卻是球迷心目中的最有價值球員。君不見他在對塞內加爾中斬出一記靚罰球，造就比拿美的入球，明顯地他的狀態確係入選理由。
只係有點擔心英國隊的前途，對塞內加爾最終以1:1完場，入球功臣係傑斯和比拿美，即係年輕小將未有表現，咁以老帶新的部署若果發揮唔到，靠晒3個超齡球員的演出，係咪有啲牙煙？而分組對手還有烏拉圭和阿聯酋，稍有差池隨時分組賽出局，咁就想睇都冇得睇，應該話，咁就冇眼睇至真！
文：盧覓雪
多棲藝能人