靚佬方中信自從08年榮升爸爸後，已三年半沒有為無綫拍劇，昨日他回歸無綫拍新劇《仁心解碼II》，與蒙嘉慧（YoYo）和陳茵媺等合作。方中信自爆年輕時有女埋身，但他說：「乳牛都知我係爸爸，係絕緣體，咁我後生時都有狂蜂浪蝶，做得呢行話冇都唔信啦。」
方中信、蒙嘉慧、飾演哨牙醫生的蕭正楠、苟芸慧和陳茵媺等，昨日到將軍澳電視廣播城為無綫新劇《仁心解碼II》試造型，缺席的楊怡都有份拍攝，方中信暗寸楊怡掛住到韓國滋潤，笑她與羅仲謙拍拖遊韓，所以不見蹤影。
方中信對上一次拍無綫劇是《仁》劇第一輯，事隔三年半才回巢拍第二輯，昨日他與YoYo傾到雞啄唔斷，YoYo自爆當年方中信不時取笑她戴黑色胸圍。
做爸爸變絕緣體
靚佬方中信自言女兒出世後，已沒有為TVB拍劇，今次因留在香港拍攝，加上不用回內地取景，所以才答應演出，他說：「損失就唔好講，都係還劇債，呢部已經係十年前簽落，係最後一部，續約就未傾，自己唔係小生，係中生。」
對於胡杏兒和黃宗澤承認分手，方中信覺得感情是要經歷，是人生一部份，他表示自己也有回內地開工，覺得小生在內地有名氣，相信不會亂來，而且後生仔出去飲嘢亦好正常，至於拍劇時是否有乳牛埋身，他即笑說：「乳牛都知我係爸爸，係絕緣體，咁我後生時都有狂蜂浪蝶，做得呢行話冇都唔信啦。」
對於胡杏兒和黃宗澤拍拖8年終分手，YoYo與鄭伊健亦已拍拖6年，她說：「所有嘢都唔知，最緊要開心，時間耐咗未必係好事，大家要遷就。」
伊健英雄救YoYo
YoYo自爆日前打十號風球，返屋企時道路被大樹阻塞，當時她有報警及通知伊健，最終伊健趕到，雖然兩人被大樹分隔，但YoYo已大為感動，她說：「好開心好感動，因為佢喺咁危險嘅時候都肯嚟救自己。」此外，陳茵媺大讚方中信是港版李察基爾，並暗示陳豪在她心中正過方中信。對於杏兒分手，她覺得十分可惜，並自言會對身邊人有信心，一切會都由緣份及天決定。
採訪、攝影：王崇穎