中國體操選手滕海濱（圖）因傷緣盡奧運，唔單止佢自己，唔少佢嘅支持者同隊友都因此而流淚。海濱女友因為工作關係可以嚟到倫敦，睇見另一半辛苦8年都無辦法再戰奧運，話寧願換自己個膊頭畀佢。至於體操女將高低槓公主何可欣，講到海濱哥亦忍唔住喊出嚟：「我們都是來自北京，本來希望可以一起並肩作戰，但現在……」至於體操女隊剛喺周四進行實地訓練，據講表現一般失誤頗多。