黃日華同囡囡黃芷晴噚日到商台接受錄音訪問，早前芷晴被影到同男友去沙灘，華哥覺得冇乜問題，佢一早知囡囡去邊同埋同邊個去。華仔覺得女仔拍拖好正常，只要唔好掛住拍拖忽略工作就得。華哥知道囡囡拍戲或會以性感形象示人，佢就接受到低胸露背，裸露就絕對唔得。至於芷晴就話如果將來要拍親熱戲，好擔心爸爸在場，因為覺得好尷尬喎。