【宗杏戀玩完之小三風騷】黃宗澤（Bosco）被指戀上湖南乳牛柳岩，聲稱對拍拖8年的胡杏兒冇晒感覺，令杏兒前晚在人前傷心落淚。疑是小三的柳岩前日秘密來港拍戲，似向杏兒示威。而失戀杏兒則繼續開工麻醉自己，前晚借馬國明做愛的替身，在西環拍攝新劇《戀愛季節》，認真夠攞景，據悉Bosco將於今日離港。
黃宗澤疑偷食偷出禍，他在上海拍攝內地劇《麪包樹上的女人》時，被指搭上擁有34E火辣身材的湖南乳牛柳岩，令一直啞忍的胡杏兒終於忍唔住嗌分手。疑是宗杏分手導火線的柳岩，火速上位，她前日來港為李連杰新戲《不二神探》開工，即杏兒宣佈與Bosco分手的同一日殺到，時間十分巧合。
柳岩：只係簡單kiss
柳岩昨晚在下榻的紅磡都會海逸酒店接受本報記者訪問，她透露會多留在港十日，她表示在5月拍戲時認識Bosco，但否認與他激吻撻着，她說：「只係簡單kiss，劇中扮佢初戀女友，唔知香港識咗定義係乜，電話、關注微博、食飯、唱K，呢啲全部冇做，私下亦冇約會。」但有指二人相擁跳舞，她有點生氣說：「唔會，拍完戲我即刻飛咗去第二度做嘢，我喺南京從來唔去娛樂場所。」她表示不擔心有損形象，並自爆有男友，但堅持不肯透露對方身份，她說：「佢係圈外人，因為人哋嘅感情，令我嘅感情都要講出嚟，仲未同男友商量過。」
Bosco被認定是花弗男，柳岩卻為他講好話說：「我唔了解佢，但覺得佢好可憐，要為一個唔識嘅女仔解釋，可能驚影響我。」對於影響別人感情，柳岩說：「我覺得佢係好nice、好客氣同專業嘅演員，佢哋分手，我都覺得好遺憾。」柳岩昨日凌晨在微博暗指自己被人利用，她寫道：「我就是一火鍋，天天被涮！」連日來匿在家中不願見人的Bosco，可能為免在敏感期與柳岩見面，他今日會離開香港，到台灣拍攝《麪》劇，與另一緋聞女唐嫣再續戲緣。
杏兒忍失戀痛開工
而32歲突然變回剩女的杏兒，前晚懷着傷痛心情繼續開工，在《怒火街頭2》記者會上宣佈分手後，隨即趕到西環堅尼地城電車總站拍攝新劇《戀愛季節》，她與馬國明並肩而行，面露戀愛中女人的甜蜜笑容，真不愧為新一代視后，馬國明更讚她堅強，他說：「喺我視線範圍內，都冇見過佢喊。」
休息一晚後，杏兒昨午2時許乘保母車返將軍澳電視廣播城開工，她戴住黑超，全程用手掩口，沒有回答記者問題。約傍晚6時許，杏兒被追問心情怎樣？她邊行邊說﹕「OK，都繼續做嘢先。」問到會否有機會復合？她說：「唔好問我呢啲住啦。」當提到Bosco表示對她沒有感覺，她反應甚大說：「係咩？要講嘅都講晒，未來呢幾日唔使開工。」臨離開前，杏兒透露會先去搵家姐，其座駕直駛往火炭晉名峰寓所，有指杏兒有意搬離與Bosco的同層相鄰愛巢，但至今未覓新居。
Bosco媽媽昨晚7時許，乘坐兒子的座駕離開寓所往鑽石山購物，被追問有沒有見過Bosco新女友？有沒有與杏兒聯絡等問題，她笑而不答。
採訪、攝影：王崇穎、林嘉慈、朱志聰
柳岩大嬸變乳牛
宗杏戀的小三柳岩擁34E驕人上圍，是內地知名的性感女星，但同時亦被內地網民人肉搜尋她的舊照，指她由頭到腳都後天加工。柳岩早年外形似足大嬸，與現在的可愛性感路線截然不同。從前她腮骨明顯起角，與現在的V煞面差天共地，她現在雙眼亦明顯比以前大。而她的34E噴血上圍亦疑似僭建，從前的她爆乳欠奉，甚至平平無奇。
