中國女排喺周二同英國打咗場熱身賽，焦點係主攻手王一梅（圖）傷咗3個月後終於復出，最後中國贏3:0。正選上陣嘅「大梅」打到第2局就換咗出場，全場得到9分；佢喺賽後就對自己狀態唔多滿意，右腳踝受傷陰影依然存在，扣殺嗰時有啲猶豫。呢位隊中首席重炮仲話：「和二傳配合有些問題，好長時間沒有比賽，今天多少有點不適應，沒把訓練的水平發揮出來。」至於主教練俞覺敏話大梅打得好落力，不過同隊友配合仲差少少，而心態方面就要盡快調整好，先可以發揮出水準。另一邊英國隊教練柯德莉曲巴就表示，王一梅係重量級選手，只要佢回復狀態，喺奧運對邊一隊嚟講，都係一個大威脅。倫奧列入B組嘅中國，28日第一場比賽將會對塞爾維亞。