倫奧未開始，摩洛哥女子1,500米跑選手薩蘇莉（MariemAlaouiSelsouli、左）就爆出禁藥醜聞。佢本月6日鑽石田徑聯賽巴黎站，跑出今年全球最快3分56秒15，被視為倫奧1,500米跑金牌大熱。但因比佢個人最佳成績快咗4秒幾，賽後惹人懷疑，藥檢仲呈陽性反應，繼09年後再被驗出食藥。因今次係佢運動員生涯第2次藥檢肥佬，所以會被禁止參加奧運同面臨終身停賽。