資本市場活動陷入金融海嘯以來最低迷局面，今次寒冬似乎會更持久，故有券商決定壯士斷臂，撤出經營規模仍未算大的亞太區，這反而造就一些中資機構有機會「執平貨」。但據近年中資收購本港或外資券商的經驗，成功「走出來」亦未必是好事。
有投行界人士形容，第二季新股及配售等大宗交易仍非常稀少，單靠每日港股四、五百億成交額「維皮都唔夠」，故近年多了券商賣盤是理所當然。他指中資機構常以高價接貨，最後卻未能把生意「搞起」。
他說：「以海通買大福證券為例，大福當年都是華資大行，但其實佢brokerage（經紀業務）搞得大，全靠周大福喺後面科水做擔保，但海通接手後，冇咗周大福資金支持，啲人又走晒，業務萎縮得好快。」幸好海通證券（6637，圖）去年底在港整體上市，才有足夠停泊在港資本，支持海通國際（665）。