位於太子的空中私房菜Sophia'sKitchen，在網頁上標榜餐廳位置優越，可以盡覽無敵靚景，近期大受食客歡迎，經常客滿。雖然店主曾透露：「講唔出邊個介紹，我唔會畀你book㗎！」不過，記者日前按網頁上的電話號碼致電，即成功接通店主曾慧蓮，她落力拉客：「多謝你呀，你嚟啦，嘢食一定啱你口味！」
記者依照預約時間到達，見全屋以木地板鋪砌成，下層200平方呎的大廳，只放着一張蓋有深啡色桌布的長飯枱，以及數張深紅色絨布的座椅，大廳掛上一幅間條紋的窗廉布作裝飾。上層約100平方呎套房放有另一張長枱及沙發，地下又設有音響喇叭。單位有落地大玻璃，可遠眺維港及青馬大橋夜景，環境一流。近600平方呎的天台可作燒烤，270度盡覽鬧市夜景。
搞主題派對吸客
曾婦甚有生意頭腦，餐廳會定期舉行不同主題，如「睡衣派對」等吸客。據悉，每逢周末，餐廳會播放音樂，讓客人狂歡跳舞通宵達旦，剛過去的回歸日，曾舉辦派對招呼了60名客人。記者光顧期間，她更落足嘴頭邀請參加：「呢個周末有『眼鏡派對』，男仔300，女仔平少少200幾，啲女仔好靚，好有質素。」
記者放蛇光顧四人餐，每人收費350元，有前菜、主菜、至甜品共12道菜。記者嚐遍後感覺水準不過不失，整體感覺是景觀一流，食物一般。《蘋果》記者