宅男樂園:《芒亨》主題入場鬥惡龍

宅男樂園:《芒亨》主題入場鬥惡龍

搞到全港24小時麥當勞,塞滿機迷坐通宵煲Game,個個打龍打到殺聲震天,帶住熊貓眼返工返學,《芒亨》都算厲害。今日有機會畀你體驗到《芒亨》巨龍嘅氣勢,事關日本大阪環球影城,將舉辦「魔物獵人.真實化2012」活動,擺放咗實物原大嘅利奧雷烏斯稀少種,同埋利奧雷亞稀少種兩大惡龍,由頭至尾全長有成20米,配合Animatronics技術,更可達至栩栩如生嘅動作。現場仲有《魔物獵人3G》展區、3DS任務下載專區、遊戲中嘅食品售賣等,Fans入到去肯定樂而忘返。不過想玩就要快了,事關活動去到9月30日咋。網址:www.usj.co.jp