上季被新特蘭借去艾阿恩嘅基恩（圖），早前正式過檔呢間阿聯酋球會，但呢位加納射手真冇口齒。話說佢曾應承咗新特蘭慈善基金會，會捐約10萬鎊（約120萬港元）嘅款項，資助基金會搞一啲社區同教育計劃，但最尾基金會負責人話從未收到捐款。大佬啊，你上年喺阿聯酋賺成1,000萬鎊，區區嗰10萬鎊唔係捐唔出吖？