美國前百米飛人劉易斯（左三）周二抵達倫敦，雖然昔日喺田徑場上叱吒風雲，但佢就話有個人原因，冇打算去睇倫奧田徑賽。至於會睇咩？呢位51歲嘅前世界紀錄保持者話：「京奧嗰時睇咗乒乓波，今次我對劍擊幾有興趣。」佢仲話：「每次奧運我都會去睇兩至三項自己冇睇過嘅項目，我班化骨龍就好想去睇BMX比賽。」