奧地利強隊薩爾斯堡都算樣衰，前晚喺歐聯第2圈外圍賽次回合，主場對喺最後16分鐘打少一個嘅盧森堡球會仔杜迪蘭治，都只係贏4:3；開唔到[-2]「主勝」之餘，兩回合仲打成4:4，慘被杜迪蘭治憑作客入球踢出局。杜迪蘭治前鋒A佐基姆喺首次回合各入一粒，係球隊歷史性入第3圈嘅功臣；之前佢踢過波琴預備組，唔知佢再有冇機會轉戰頂級聯賽呢？