皇家馬德里（白衫）同巴塞隆拿都喺周二展開首場熱身賽，齊齊贏波。皇馬以5:1大炒西乙嘅奧維多，仲好罕有咁派咗青一色全部自家青訓產品正選披甲；反而一向青訓出名嘅巴塞，首戰喺德國贏實力強少少嘅漢堡2:1，只得5名青年軍正選披甲。有西班牙媒體仲爆料，指操練時俾隊友踢傷、今場冇份踢嘅美斯唔多老嚟，當時竟怒鏟嗰位青年軍隊友報復，使唔使咁火呀？