為人父母，一般都希望囡囡斯斯文文，好多都自細安排個寶貝女學吓芭蕾舞、彈吓鋼琴咁；英國嘅女子奧運鏈球代表蘇菲亞希治安（右圖），自細被父母安排學芭蕾舞（左圖），起初仲夢想成為職業芭蕾舞蹈員，但到佢14歲接觸鏈球後，就立即棄舞選鏈，2010年世界青少年錦標賽仲攞埋金牌。21歲嘅蘇菲亞出戰今屆奧運，如果幫英國攞到獎牌，佢一定冇後悔當初放棄芭蕾嘅決定。