中國「欄王」劉翔同鋼琴家郎朗，大纜都扯唔埋，不過二人原來一早就認識，後者仲試過喺微博邀請「欄王」去睇佢嘅演奏會，但係翔哥仔因為賽程問題而去唔到。周一劉翔父母到倫敦嗰陣，喺酒店撞到郎朗同佢屋企人，兩家人一見如故，劉爸爸仲即時打電話畀個仔，等佢同鋼琴家交流。聽郎朗講，佢哋兩個好好傾，仲話劉欄王個樣好似李小龍。似唔似就見仁見智，不過110米欄飛人就拜咗郎朗為師，奧運後跟佢學彈琴。