周柏豪噚日下晝喺3號風球懸掛下到旺角朗豪坊，宣傳迪士尼卡通《飛哥與發仔》，見佢一臉愁容，原來正憂心喺醫院做手術嘅婆婆，佢話：「連日嚟我都為佢好擔心，因為我係婆婆湊大，大家嘅感情好深，佢有乜嘢事我真係會特別傷心，同埋佢今年已經來回醫院十幾次，希望婆婆可以快啲好番。」柏豪雖然工作忙，但都會抽時間去探婆婆，為佢打打氣。