由彭浩翔執導、杜汶澤、陳靜（DaDa）主演的《低俗喜劇》前晚舉行電影分享會，阿澤和導演一出場即大講粗口問候觀眾，阿澤更抵死叫DaDa重演在片中食住爆炸糖「口交」，引起全場哄動。
杜汶澤、陳靜和導演彭浩翔前晚到旺角出席電影分享會，三人待電影完畢後進場與觀眾見面，阿澤和導演用粗口與觀眾打招呼，又問觀眾想不想DaDa重演在片中食住爆炸糖口交的場面，全場觀眾即時起哄，阿澤笑說：「佢唔肯就等我嚟！」
問阿澤會否緊張電影的反應？他直言不會，只要電影不用理會內地市場及審批就不用擔心。彭浩翔大讚林雪在片中講粗口十分出色，演技脫胎換骨，阿澤也笑言從未見過林雪演繹得如此出色，因他是做回自己。DaDa自言百毒不侵，不怕被他們整蠱，不過全片粗口橫飛，她也試過忍不住講了一句粗口，阿澤即抵死說：「我同導演成日窒DaDa，佢就成日窒模，佢係電影明星嚟嘛，喺書展得佢一個入到，佢窒嗰啲我哋窒唔到。」
爭演《包皮》
之前他們誇言靠DaDa撼贏《那些年》票房，阿澤搶住解釋說：「陳妍希未破《那些年》時，你識唔識陳妍希？但DaDa未破陳妍希前你已識DaDa，根據呢個邏輯嚟講就破硬佢，破到就叫導演開套《包皮》畀佢，等佢做對付包皮嘅人，《畫皮》就周迅爭住做啫，冇理由做包皮，咁我就做包皮啦！」
爆粗發洩
阿澤坦言現時社會氣氛太差，加上今個月遊行人數又這麼高，香港人很需要放鬆，看粗口片是發洩的好方法，他表示現任特首及市道如此，不講粗口也無話可說。
採訪、攝影：溫敏芝