馮仁昭收到風話陳小春噚日下晝喺紅磡海底隧道遇到交通意外，因為當時打緊風，天雨路滑嘅關係，小春嘅座駕同另外兩架車相撞，好彩小春冇受傷，而當時佢老婆仔應采兒亦都唔喺身邊，馮仁昭先至冇咁擔心咋。聽聞小春事後都有報警求助，其實遇到意外最緊要係個人冇事冇受傷，同埋遇着打風落雨，馮仁昭勸大家揸車要打醒十二分精神先好呀。