用有人歡喜有人愁嚟形容祖雲達斯（圖）同AC米蘭就最啱喇！上屆意甲冠軍祖記喺官網宣佈，新球季嘅27,400套季票，開賣唔夠一個月就售罄。又難怪嘅，人地休季期間不斷招兵買馬，「粉絲」有眼睇嘅。唔似得對家嘅AC，見錢眼開賣走兩大主力，辣㷫班擁躉；部份更加告上法庭，話被誤導先至買季票。AC為免越搞越大，終於都認衰接受球迷退票。