不嬲都話容祖兒似MJ㗎嘞！睇佢噚日喺台灣宣傳國語碟《Moment》嗰陣，大展華麗舞功，成個「米高積容」咁！祖兒人在台灣，果然同其他香港藝人一樣暢所欲言，盛傳佢因為戀上劉浩龍（師兄）而辣㷫何韻詩，佢噚日就話：「我跟她從出道就認識，個性都是大剌剌，一直是很好朋友，之前只是小事，已經沒事了。」但點都唔講乜嘢係「小事」。問到佢哋家嘅關係，祖兒話：「比好朋友更好一點。」
有傳師兄同祖兒分手，祖兒噚日承認壓力大：「每段感情都讓自己成長，有開心、也有磨合。」又話自己處理感情係「小學生」階段，問佢係咪轉為地下情壓力細啲？佢話：「的確是，但也不算地下，畢竟大家也知道了一點。」
撰文：洪紅克