宣萱昨日到新城做訪問，對於她有份演出的無綫劇集《飛虎》，雖在周六和周日播出，但收視仍然理想，她坦言：「開頭都有啲擔心，但家有成31點（約199萬人）收視，好滿意。」有指在劇中會死去，宣萱謂：「點解咁多人話我死，年幾前拍，唔係好記得，但死就唔會搵我傾續集，公司都有搵我傾約，但覺得家自由身唔錯。」
冇膽跳火山
宣萱透露王維基有找她斟洽，希望請她拍旅遊特輯，去瓦努阿圖跳活火山，宣萱說：「聽到都幾刺激，但係鄭伊健啱啱去完，仲要跳活火山，唔知要買幾多保險？如果後生20年，我應該會拍，但家推咗。」她表示不急於跟電視台簽約，希望角色有突破。
採訪、攝影：胡比