葉蒨文昨日到電台宣傳9月的演唱會，她笑言太久沒上電台感不慣。她透露近日勤於排練拉丁舞：「家拉到啲筋拉住晒，我終於知道拉丁舞呢個名點嚟啦，之前拉傷咗休息咗五日，家真係好心急，噚日八號風球，我練到十一點幾，之後安全回家。」問老公林子祥有否為她按摩減壓？她說：「冇呀，你哋幫我寫吓啦。」
提及好友朱玲玲兒子霍啟剛與郭晶晶的婚事，葉蒨文大爆婚期原為9月，她說：「不過已經改咗。」是否收到喜帖？她說：「我未收到帖呀，應該係囝囝自己派，如果派漏咗就唔去，如果佢派畀我一定會到。」她又透露朱玲玲正為婚宴搵靚衫，笑言自己畀意見都沒用，因為朱玲玲事事都會問老公羅康瑞。
採訪、攝影：譚倩宜