呢個月倫敦天氣比預期凍，加埋經常落雨就更加攞命。對一般人嚟講可能着多件衫就搞掂，但對運動員嚟講，就唔可以有半分鬆懈，喺呢個關鍵時候絕對唔可以冷親。早前已抵倫敦嘅中國體操隊（圖），可能有見及此，對於應付寒冷天氣都非常謹慎，日前被影到喺前往訓練場館嘅時候，全部運動員都着住又長又大件嘅羽絨，唔講仲以為係喺冬天拍嘅舊片嚟，真係誇張。