倫敦奧運於本周已進入倒數階段，這陣子潮人個個米字旗上身湊熱鬧，之不過，顧得衫嚟好似忽略咗個樣。好在奧運五環標誌嘅顏色夠Sharp，一於化番個OlympicLook贈興，藍、黃、黑、綠、紅，你揀定未？
記者：陳子穎
攝影：譚盈傑
模特兒：Angie@ModelOne
化妝及髮型：[email protected]
黃加綠CandyLook
糖果色系中黃色和綠色最為冷門，但原來，呢類色先最容易化，Details位反而不用做得太足。「其實唔同色的眼影都有唔同嘅化法，一些比較搶眼的螢光色、糖果色，就千祈唔好用靚女妝嘅化法，以為下下襯番條黑色線一定無死，實情簡單將眼窩填滿色已經好靚。想眼妝的層次感更突出，又唔想ToneonTone咁悶，就要善用對比色，例如今次示範用了黃撞綠，兩邊眼影的份量唔需要太Balance，但記得要Blend鬆。若想令眼影的顏色再出啲，可先用遮瑕膏打底，將眼部的原色TuneDown。」
Steps
妝物
shuuemuraVividYellow眼影#360$175（眼影連盒）
激玩紅眼黑嘴唇
紅色眼影？黑色唇膏？就算你敢試都唔容易買到！其實紅色眼影可以用紅色唇膏代替，一物兩用，最符合經濟原則。至於黑色唇膏？做示範還可，回歸現實，改用PeachTone親民得多。Jan：「紅色眼影和RedLips一樣，本身的妝效已非常突出，因此唇妝方面，應該配合較含蓄的色調；底妝方面，建議使用高水潤度的粉底，讓肌膚如畫布般烘托出紅色的艷麗，而服飾最好是全黑。不過若然你真的有Gutsy挑戰黑色嘴唇，緊記要先用淺色的唇線筆畫好唇形才上色。」
Steps
妝物
YSLRougePurCoutureN°18
黑色唇膏$220
零技巧 藍色下眼線
今年流行藍色，不過中國人受輪廓的局限，藍色眼影陰影做得不好，會令眼睛顯得下垂及眼腫。所以掃眼影時，在眼尾一定要向上提升，並最好在眼窩中間加一抹Metallic作Highlight。嫌煩的話，簡單畫一條藍色眼線，零技巧可言。化妝師Jan：「今季流行畫下眼線，顏色方面亦唔再係黑色、啡色咁實淨，藍色眼線一樣可以令眼睛看起來又圓又大。但如果黑眼圈或眼袋比較嚴重的女生，就緊記要做好遮瑕才畫，否則便大殺風景！另外，亦因為下眼線的顏色已經好突出，唇膏和胭脂應用淡色系作中和。」
Steps
妝物
YSLOmbres5Lumieres五色眼影#5$440
Tips
藍、黃、黑、綠、紅在化妝學上都有不同的功用，不妨買定幾款揸手，以防不時之需！
藍：適合紅潤、曬後皮膚使用，可令整個妝容看來更精神飽滿。
黃：化完妝之後覺得唔夠Warm，可以在顴骨及眉骨位置加一抹黃色眼影作Highlight做平衡。
黑：眉毛偏幼或者眼形細的，都可借助黑色SmokyEye改良。
綠：基本上適合任何人，但如果當日眼腫或皮膚暗啞，則不宜使用。
紅：皮膚白淨的人用紅色眼影最Sharp，反之偏黃膚色的則不宜使用。
shuuemura（22347060）
M.A.C（21187649）
YSL（21110136）
