新一代平治C250旅行車有型又實用，不過呢一刻，似乎還有另一更佳選擇，皆因同系列的C200房車剛剛推出了一個特惠AMGEdition，車價只是多加$2,900，就送上AMG動感包圍、17吋AMG合金輪圈、金屬腳踏、跑車式懸掛及速度感應跑車軚環連加減波撥片等配備。坦白講，未能取得環保稅優惠的C仔間接令車價唔夠進取，代理今次賣大包的特惠套餐雖然只限C200房車，但可以慳番幾萬元的升級費用，已令好多車主投降。
