周家蔚月前同洪天明結婚擺喜酒時，舊愛、王愛倫兒子林建億（Chester）竟踩場媾女，激到天明爆粗喪鬧Chester。雖然事後王愛倫話個仔有學乖，但查實佢依然愛蒲愛媾女。就好似噚日凌晨兩點幾，Chester又再出動四圍獵艷。
着住件粉紅色戰衣嘅Chester喺蘭桂坊夜場Play門口等女，有唔少女行過都同佢打招呼吹水。其間有個男性朋友帶住兩個艷女行過，Chester重手指指慫恿兩個女仔去蒲，一於有殺錯冇放過。之後Chester等埋三個女仔嚟到後就一拖三入去Play尋開心，佢仲當眾攬住其中一個靚女入場，認真猴擒。
採訪、攝影：陳辰、梁繼光
