衞冕總冠軍嘅洛杉磯銀河，經歷季初低潮後，家真係返番晒嚟，喺上周六嘅美職聯洛杉磯打吡中，就主場以3:1輕取美國芝華士。雖然家已經冇一人足球呢支歌仔唱，不過，銀河近仗好明顯都係靠攻擊三寶碧咸、羅比堅尼同當路雲嚟食糊；好似喺上周六，又係憑羅比堅尼（右）同埋入兩球嘅當路雲（中），先順利贏波。