譚詠麟和杜麗莎的演唱會前晚在紅館開鑼，座無虛席。除唱盡多年中、英文金曲外，阿倫和杜麗莎更盡訴心中情，但阿倫始終不肯公開向元配莎莉及紅顏知己Wendy說「Iloveyou」，又自稱「鱷魚頭老襯底」，揚言拍拖經驗不多。
自稱年年25歲的譚詠麟前晚在紅館與杜麗莎舉行《TimeAfterTime》演唱會，雖然他們實情加起來已過百歲，但寶刀未老，全場爆滿。阿倫和杜麗莎由60年代到今時今日的金曲皆有唱，唱到一連串快歌時，台下的銀白髮一族同樣變回25歲，站起身又唱又跳，氣氛相當熱烈。
自言怕醜
之後兩人在台上盡訴心中情，杜麗莎問阿倫有否跟最愛的人講過「Ｉloveyou」，阿倫即搞笑說：「邊個派你上嚟，我同老竇、媽咪同埋個仔都有講。」但杜麗莎依然追問：「咁同邊個講最多？我就成日同我老公講。」阿倫即大耍太極說：「我有講，I……you囉，呢啲唔係要講，係要做出嚟，對愛嘅人門面同門底都會做足。」杜麗莎聞言再笑說：「我會講darlingIloveyou。」阿倫只說：「其實愛係要用心去感受，愛係無處不在。」
接着阿倫和杜麗莎又談到拍拖問題，杜麗莎自稱拍一次拖便結婚，阿倫則笑言：「大家成日覺得我拍好多次拖，但其實我係鱷魚頭老襯底，我真係好怕醜，鍾意一個人就會放晒個心入去。」又自爆當年曾為了心儀的女仔，在街呆等她十多個鐘頭狂食西北風。
歌迷打人
後台訪問時兩人表示盡訴心中情的對白沒有夾過，阿倫說：「只係有個point，真係可以開talk騷。」此外，演唱會上有位女觀眾因不滿工作人員阻她到台前，結果她打該工作人員，阿倫說：「唔好郁手郁腳，開心咁睇騷。」
採訪：王連連 攝影：陳俊強