王朝酒業（828）就嚟跌到08海嘯價，睇位兜轉。王朝2011年度純利跌咗九成過外，家陣PE300幾倍，老老實實，唔吸引。但要咁睇，王朝上年度對銷售渠道及分銷模式進行改革，影響到部份分銷商採購減少，加埋集團唔再偏重低檔次產品，收入及業績受到影響。改革無錯帶嚟陣痛，但長線少少，王朝藉住改革可以鞏固到地區地位及加快地區增長。再講，集團品牌本身唔弱，祖國奢侈品消費力，又唔係嘢少，只要新一輪潛力釋放，王朝有排肥仔水。BeforeThat，王朝跌到現水位，開始貼近08年金融海嘯價，PB已經一倍樓下，手頭又有4億淨現金，支持集團度過風雨期。王朝一跌穿1蚊兜轉，博三成升幅，未有耐上到NAV1.6元。
渝港質優煲冷灶
渝港國際（613）現價4.3仙，又係跌到近金融海嘯價水位，而現價就相對NAV0.22元，大幅折讓80%。唔計渝港第時嚟自中渝（1224）升值，集團對落有渝太地產（075），仲揸住香港唔少靚磚頭物業，集團呢個NAV，夠晒秤。又當渝港業績未嚟得切TurnAround，呢轉只係冷灶煲一煲，博升20%到5.1仙，NAV折讓仲有77%。
錢雋