【本報訊】近日多名網民在討論區大罵，網上訂購薛凱琪演唱會入場券後，付款後收不到門票，疑遭詐騙，事後有人報警。不過，騙徒不知收斂，繼續借陳奕迅演唱會搵食。記者引蛇出洞，怎知19歲騙徒被踢爆後，竟爆出「呃上呃冚數」的驚人言論。
繼續在討論區訛騙
受害人Jason早前得悉，有人在討論區出讓薛凱琪演唱會門票，於是訂購兩張280元門票，並應賣家阿裕要求，先轉賬300元作定金，「6月7日佢突然打嚟，叫我即刻過數。我諗住網上買嘢都係講個信字，而且只係幾百蚊，咪照做囉」。
不過，數天後仍未收到門票的Jason，不斷致電追問，惟對方推說要遲些才交收，其後更索性不接電話，Jason才知上當。之後得悉還有五名網民受騙，涉案金額約3,100元。「我估計受害人唔止呢個數！雖然錢唔係多，但真係唔忿氣，每日都用WhatsApp叫佢還錢」。最離譜的是，阿裕繼續在討論區聲稱有衞蘭、陳奕迅和Shine的演唱會門票，「佢擺明係呃人啦」。Jason忍無可忍，連同其他受害人往報警。
為引出騙徒現身，記者在網上留言欲購買12張陳奕迅演唱會680元門票，總值8,160元。阿裕很快便回電，並吩咐記者先轉賬一半定金，記者要求見面交收，他終於妥協，翌日現身旺角港鐵站。
月薪8000「不夠用」
記者隨即表露身份，他顯得十分慌張，但仍死撐：「我真係有飛㗎！」當記者說出多名受害人被騙經過後，阿裕終於和盤托出。年僅19歲的他聲稱任職裝修學徒，月入8,000多元，根本不夠用，要養家和「大使」碌爆卡才出此下策。
阿裕哀求記者放他一馬，承諾不會再犯，並表示正陸續退款給網友。對於何以繼續行騙，他竟說：「因為唔夠錢退番畀人，咪諗住呃埋你囉！」大律師陸偉雄表示，他的行為已觸犯了刑事罪行中的欺詐罪，一經定罪最高可被判監14年。即使他已退款給受害人，警方仍可將他拘捕，因整個犯罪過程已完成，退款與否不影響罪行。