黃貫中（Paul）昨日到書展為新作《長話短說》舉行簽名會，大會派出150個籌，現場約有120人排隊索簽名。Paul早前不滿個唱入座率報道，在微博炮轟某報女高層，繼有Paul迷公開女高層姓名和手機，昨日又有Paul迷貼上女高層照片，杜如風不但留言力撐，更轉發圖文。
「乜迷都要冷靜」
Paul昨日情緒平靜，問他最近有否受是非影響心情？他說：「係咁㗎啦。」朱茵可有鼓勵說話，他說：「冇喎，我會好畀心機做嘢。」可覺是非為個唱帶來遺憾？他說：「冇影響我心情，希望其他人冷靜，大家唔使擔心。」他指不會讓朱茵看有關新聞：「唔想影響佢心情，佢係孕婦。」
可擔心影響與傳媒的關係？Paul說：「Letitbe。」會否呼籲粉絲不要激動，他說：「我呼籲乜迷都要冷靜，大家係文化人，唔好做犯法事。」怎樣修補關係？他說：「做番自己嘢，唔知點修補，事出必有因。」Paul透露朱茵的肚越來越大：「脾氣也跟住大，阿茵生時我會拍片同大家分享。」
此外，林建明昨日表示有關注Paul事件，她說：「我會喺微博問吓佢。」是否產前抑鬱？她說：「好難講，我冇同佢傾過，可能產前焦慮，再嚴重就抑鬱。」不過大姐明覺得公開別人電話有違香港私隱條例。
採訪：胡比
攝影：陳志嵐
