昨天晚上的大富豪，場內充滿離愁別緒，有熟客專誠來緬懷一番，與相熟小姐拍照留念：「好可惜，連大富豪都做唔住。」在大富豪工作了16年的媽媽生欷歔說，當年客人多到排出門口，想不到今日就這樣落幕了。
據悉，大富豪今晚60間貴賓房全部訂滿，現時剩餘50多名公關小姐，她們都表示會盡心招待客人，力保大富豪的金漆招牌。
小姐被迫到細場搵食
媽媽生Mandy說，去年已得知大富豪會結業，曾與熟客說「大富豪唔會有29年」。她今晚開工前會與其他員工吃告別宴，而許多小姐做了超過10年，部份人已獲安排過檔富都夜總會，另一批只能走向佐敦、油麻地的「細場」。
公關小姐Eva說，大富豪客人質素高，「而且個場好大好靚，真係唔捨得」。她表示下周一開始會在富都夜總會上班。有職員搭嘴向記者說，大富豪近年一直慘淡經營，與回歸前有天淵之別，「冇計，啲細場幾百蚊坐幾粒鐘，老闆又從來唔請雙程證女仔，好難同細場爭」。《蘋果》記者