羅力威噚日同班粉絲喺灣仔舉行祝捷會，慶祝佢隻碟開賣兩個幾星期已經有金唱片銷量，兩大高層霍汶希同吳雨都有出席。講到佢下月九展個演唱會，羅力威話五場都會有唔同嘉賓，咁係咪緋聞女友羽翹都有份？佢即刻話要保持神秘。至於問佢會唔會去書展睇吓模寫真？羅力威話：「佢哋都入唔到去！我比較鍾意睇文字嘅書，圖畫比較少睇！」