不肯以真面目示人的網絡歌手龍小菌前晚與吳千語到新蒲崗為放榜學生打氣，龍小菌坦言現時全職做歌手，並會放棄做老師，她說：「家簽咗經理人公司，嚟緊會出大碟，之前預售籌咗8萬蚊，會用啲錢嚟錄音，希望錄10首歌，最好全部歌都係自己填詞，可以分享自己嘅經歷，好多嘢想同學生講，但講得唔多，所以用另一個途徑。」
「唔好亂起底」
對於被網友起底，她無意除下面具，亦不肯透露網友起底是否正確，她說：「網友起咗好多人出嚟，我唔贊成起底文化，唔好亂起底。」
此外，吳千語當年是末代會考生，她說：「我知道放榜心情緊張，當年都有發惡夢，夢到好低分，最後都OK，但自己就揀咗讀副學士。」
採訪、攝影：譚倩宜