早前黃貫中（Paul）因不滿紅館個唱被報道入座率只得七成，以及篇幅太細而向傳媒開火，事件更針對某報高層。日前某報女編輯收到一名自稱Paul的歌迷來電恐嚇遂報警。Paul昨日到商台接受訪問，強調自己沒有公開某記者的電話，只是轉發，又自認是爛仔做不到君子。
黃貫中就演唱會被報道只有七成入座率，加上因不滿篇幅細，於演唱會慶功宴上發火。事件後來發展到針對某報高層，Paul的朋友更於微博公開高層的電話，令對方受電話滋擾要報警求助。Paul昨日到商台接受訪問，暫且收起火爆性格，被問到為何認定一個記者時，他語調平和說：「因為佢自己打嚟認，佢打畀我經理人，我有問過點解要咁做，但冇人答到我，如果我知點解一定會去解決，好似你行街有人掟嘢落你個頭，行行吓又有，但你又唔知邊個，咁點解決？」
捍衛家人
Paul表示身邊朋友知他為人惹火，勸告他要冷靜，他續說：「正如佢哋話我係爛仔，我唔覺得爛仔係貶義詞，我講嘢直，做唔到君子。我性格係咁，有嗰句講嗰句，唔會喺背後插你。」Paul稱明白傳媒的運作，強調自己已退了二十步：「我家人俾人咒，今次關乎我家人同愛人，如果我都唔出聲就係廢柴，家我知道邊個窗掟嘢，豁然開朗咗。」
各行各路
問Paul為何於網上公開他人的姓名及電話時，他說：「我係講名，冇講電話，係有人幫手鬧，我忍唔住forward（轉發）。」他強調用筆寫名不是犯法，但被主持人問到是否其中一方作出讓步，令大家有個下台階，他說﹕「每個人都要面，我承認要畀條路大家行吓，路不同不相為謀，你行你嘅陽關路，我走我嘅獨木橋；總之我做音樂，你唔好搞我，我唔搞你。」難道Paul不希望娛樂圈能和平共處？他說：「我成日都話我反戰，唔好戰，但係我善戰。」他亦勸籲歌迷要冷靜，並稱今日出席書展時不會再回應此事。
另外，Paul昨在微博再寫道不恨做君子：「常有人說君子報仇十年未晚，有仇不報非君子……為何要懷恨十年？為了做報仇的君子？我就寧做個頂天立地光明磊落的搖滾爛仔！君子這兩字實在害人不淺，要算賬就現在算。」採訪：葉雪