對於政府擬向發展商收回新界農地，業界及學者多表反對。中信證券研究部房地產行業執行董事顏偉洪直言，政府能否收回，價格是關鍵，「如果地產商願意交地，將會加快土地供應，因為地產商發展一塊地將有排搞。不過實行過程有一定難度，凡事都係錢作怪，政府如何釐定收回價將成關鍵。」
張一鳴：加快補價更實際
NeutronPacific創辦人張一鳴指政府涉足農地，發展時間更長。「政府要買返邊啲農地，會出乜嘢價錢呢？如政府要用好多公帑買地，會被人認為係利益輸送；另外政府要用長時間同發展商談判，要等好耐先可以真正興建發展。所以我認為直接加快私人發展商開發土地需要嘅時間，例如加快補地價程序，就更加實際。」
浸大財務及決策學系副教授麥萃才同意，新界東北不適宜建公屋。「政府收回土地會興建邊類房屋呢？如果用嚟建公營房屋嘅話會有問題。因為大部份市民，就算低收入人士，都唔喜歡搬到新界偏遠地區，因為會搵唔到工作同車費貴。就算現時公屋輪候冊上排隊嘅人，大部份只想搬去市區。所以真係收回新界農地建公營房屋，可能會出現一個資源錯配的問題。」
瑞銀發表報告，將本港住宅樓價由跌5%調高至升5%，預測從現在至年底樓市再升3%至4%，因政府無意推冧樓市，將香港發展商股評級由中性升至增持。