【綜合英國外電】衞冕男子100及200米冠軍嘅牙買加飛人保特，已經喺周日到咗英國伯明翰大學嘅牙買加訓練營；不過，佢過咗兩晚之後，就透過教練邁爾斯要求換床。邁爾斯向有關方面提出，為保特特製一張7呎長嘅床褥，而保特亦已經喺星期二晚「享用」咗㖭！據伯明翰大學體育主管活里奇表示，6呎5吋高嘅保特受背部不適困擾，為怕未來幾日因為唔適應張床，而影響到比賽狀態，所以先至要求更換。活里奇仲話，為咗令牙買加選手有賓至如歸嘅感覺，佢哋仲專登另外提供咗6張7呎長嘅床褥，畀牙買加較高嘅選手用㖭！