【本報訊】唯一「梁粉」議員陳茂波即將告別議會，轉投新政府，豈料重組方案泡湯，陰差陽錯最終只落得發展局局長一職，但他也願意積極考。由議員變司長再變局長，陳茂波不認為自己有野心或「恨做官」。
陳茂波接受專訪時坦言，當初做議員只憑一腔為社會做事的熱誠，至於轉投政府，他直言「我去做官唔係因為我想做官，係想做嘢所以需要一個咁嘅平台」，他覺得議會提過不少建議給政府，可是「政府吸納議員意見就做到嘢，但有啲你講極都冇用，佢唔聽就唔聽，嗰種無奈感好大」，結果惟有改變身份。
當官不怕被揭瘡疤
至於挺梁，陳茂波形容是出於求變的心，「議會提咗意見，（上屆政府）真係吸納、處理得唔夠積極，如果唐英年做，可能會蕭規曹隨」，與梁認識多年，陳深信「要有改變，佢係一個比較有希望嘅領導」。外界形容梁敵人多、朋友少，陳立即為朋友說好話，「政治上有時真係危機四伏，以佢當年咁年輕上位，更加要謹慎小心；朋友方面，謹慎小心令人覺得城府較深」。
新班子甫上場便醜聞不絕，陳茂波覺得，政府處事有制度，加上立會、傳媒，以及不同利益集團之間互相監察，很希望外界能給予梁機會，他亦不擔心加入新政府後會被揭瘡疤。
被問到上任後會否不敢再提六四，他強調：「毋忘六四！件事發生咗就係發生咗，係客觀歷史事實；教科書要寫，呢啲立場無論我喺邊個位都唔會變。」