夏日求驗客：巴神搭上法國嫩模 - 求驗客

家喺西班牙嘆緊世界嘅曼城球星巴洛迪利，真係行桃花運行到腳趾尾，身邊女伴日日新鮮。《太陽報》早前先披露佢同ParisHilton齊齊蒲吧，點知噚日又被爆搭上22歲嘅法國嫩模雲妮莎（VanessaLawrens）；記者影到呢位靚女坐上巴神架靚車一齊去沙灘（小圖），落車後仲贈佢香吻㖭。傳媒更爆料話，查實巴神上周已同雲妮莎一齊坐游艇出海，對方仲着住比堅尼同佢背對背坐，勁煙韌呀。