有美女廚神之稱嘅蘇玉華前日出動同做話劇嘅男友潘燦良一齊去到中環ifc行街拍拖，素顏嘅阿蘇首先同男友去到citysuper買餸。廚神注重食得好嘅同時，都要食得健康，所以佢哋去買麥皮嗰陣，將幾款不同牌子嘅麥皮攞上手，討論咗成5分鐘先揀到一大包500克重嘅燕麥片。
之後阿蘇同男友分頭行事，男友去買雜物同畀錢，阿蘇就去咗揀蛋糕，之後兩人會合一齊買蛋糕，當阿蘇同店員傾緊偈睇下有乜好介紹時，忽然一名貌似強國人的師奶，當阿蘇冇到，插咗埋嚟話要買嘢，起初阿蘇都打咗個突睥住嗰個師奶，不過始終阿蘇EQ高，仲同店員講話讓師奶先。師奶買完後阿蘇唔使5分鐘就買完，仲去服務部吸埋印攞埋免費泊車㖭。
此外，噚日阿蘇同一班《我和春天有個約會》嘅主要演員喺北角新光戲院開記招，話17年後《我》劇會重新登場。
採訪、攝影：羅德光