由鄉事派人士任籌辦的天水圍元朗公立中學校友會英業小學，是其中一間表明不會在未來三年開辦國民教育科的小學。至於2015至16年度會否推行，校長文志欽稱留待家長決定，若他們不贊成，他會堅決向教育局抗命。
「點解唔做住？因為都唔知佢哋（教育局）想我哋點做。會唔會同我哋諗法有別？」文志欽校長昨表示，當教育局定下要設立國民教育科，他及教師即決定不會在今年9月推行，盡用未來三年準備期，遲至2015至16年度「死線」才推行。
指課程逼人做順民
文校長指出，該區家長多是新移民，他們沒有強烈意見；不過若三年後家長齊聲反對，他決會站在家長立場，「到時話畀教育局聽，唔可以夾硬嚟，家長係我哋『客仔』，夾硬嚟即係叫我哋唔好收生」。
文校長認為，國民教育應是讓學生了解中國好及壞的一面，令他們知道中國的問題，將來可如何改變國家。自言思想偏向民主的他直言，現在教育局提出的課程框架，確實令人無法安心，「（課程）夾硬逼所有人做順民，冇咗思考，我都會有呢個擔心」。文校長表示，學校可有自己對策，即使三年後必須推行，會向高小學講述六四事件和李旺陽慘案等，「喺我手上，絕對唔做洗腦！」。
「我嘅優勢係隨時唔做都冇所謂！」53歲的他認為，教育局不會向學校施壓，呼籲學界堅守底線，「做教育如果冇良心，社會唔掂」。
《蘋果》記者