死者堂弟鄧來興稱，跟死者識於微時，兩人曾在英國餐館工作。鄧來興形容死者「個人好靜，唔多講嘢，無同人結怨」。他是第一位發現屍體的人，直言當時「好驚，企喺度唔敢行」。
鄧來興表示死者鄧路來生活作息定時，「佢好早起身去做晨運，10點半返嚟後會去馬鞍山買六合彩、買餸、食嘢，1點過啲多數會返嚟屋企，每日都係咁，然後留喺屋企」。死者習慣晚上將晾曬門外的衣物，收回家中，但案發翌日早上，死者沒有收衫，促致他揭發命案。
認人時稱被告「肥咗」
鄧來興當日進入死者的住所後，發現所有窗簾奇怪地被拉下，有違死者的慣常做法，「我懷疑佢瞓瞓下死咗……行經廚房門口，見地下有個黑影瞓喺度，睇清楚原來係我堂大佬！」由於認為堂大佬已死，遂致電同村的死者姪兒趕來，「佢嚟到，我即刻走返出去，我驚仲有人喺度」。
被告吳雅倫曾幫村內不少村民裝修，村民叫他吳師傅，鄧來興稱，曾見過被告。靠手杖助行的鄧昨應控方要求在庭上進行認人手續，需離開證人台行近犯人欄認人。「係佢，不過家肥咗啲！」鄧的坦白令全場人士發笑，除了被告。
《蘋果》記者