書展昨天開鑼，有無狂掃心水愛書？全港最大電子書商之一嘅「24Reader」，今年除咗為旗下新書增加地區篩選、左揭或右揭閱讀，甚至加入內容預覽等功能外，最吸引係仲有靚女Winnie做封面嘅《為食澳門》試刊號，收錄澳門僅有嘅「土葡」甜品店，更附錄各式甜品食譜畀你跟住做，最貼心係電子書包含食材網購功能，身處香港都可照辦煮碗學整「土葡」甜品。