大市成交靜，業界指不少經紀選擇在晚上另覓副業幫補，當中最普遍是做夜更的士司機。經紀杜先生（圖）表示，「市況唔好時，的確聽到有人夜晚會去揸的士，反正朝頭早個市咁靜，返到嚟分分鐘仲有時間『釣魚』。」
市況並不會恒常暢旺是所有經紀的共識，杜先生表示，早已有心理準備一年只會「旺幾個月」，現時惟有等待年底會否出現轉機。他指不少行家均會在淡市時另覓「外快」，自03年股市因沙士經歷低潮後，經紀經營副業的浪潮再現，「聽到有人維唔到皮，朝早喺證券行坐完，夜晚就會去做副業，其實呢個情況好常有，沙士嗰時就唔少，家都開始聽到有咁嘅情況。」
的士業界人士表示，現時夜更一晚租金約340元，油費約200元，一晚開支最少500元，但指近日生意已見轉淡，同樣唔易撈。