「無拖，無卸，無避，無涉及誠信問題，總括而言，就是無梁！」fb友Alex的post引起興趣。各方媒體無日無之的謾駡未必少於垃圾堆填區，漸覺無動於衷；今早自電視新聞又見長毛立法會內放紙鳶，笑容欠奉CY頂上銀髮錚錚，不過上任17天，前面的路好長，誰知何時到家鄉？
對任何特首不單止沒惡意，一直抱樂觀態度，「或者有轉機呢……香港？」更何況出身基層，感覺實事實幹的CY？
或者天生怕人派錢，現兜兜6千蚊兜面醒過來，想我是其中收錢收得極不愉快的極少數。眼見說多，其實極蚊。說少，又夠去一轉台北曼谷……不少後生仔就係咁花咗喺人地國土。你以為6千蚊小？加在一起好幾百億，你以為香港仲係金鵝？我地其實冇咗工業好耐，亦即係冇咗生產能力，自宮！淨依靠地產塘水煮塘魚？服務性行業為奴為馬招呼強國人？給內地一趟一觸即發經濟風潮，香港即沈！
甫上場即派80億公帑（當然係大眾血汗，難道特首並政府官員屋企阿爺留低？）對梁振英不反感，甚至好感。但好很看不起以「派糖」為自己買票的政府頭頭。歐美福利國今天苦果滿途沒有為我們樹立反面教材，好自警醒？
派糖容易做糖難，幾任特首都沒做好甚至沒做過的艱辛工程就是做糖！沙士之後，大好人董伯伯笑淫淫宣佈中央為港人定立不少幫香港人發達新措施；當時已感厭惡，大勢已去？香港須大陸救濟，身為特首滿面酥麻跪地承歡？自求多福香港精神自此沖出太平洋！貪曾七年是香港永遠難忘買大細永遠押得個細毫無建樹的黑色時期；自由神，雙非，每日百五，雙失，樓價創世界紀錄……刀刀直插香港經脈，血流成河！Comeon，CY，你的力量不止建在派糖長者啩？糖派多幾次就會告終，受惠者永遠只嫌不足，真正做實事的人不應着眼慷他人之慨；理當研製如何做糖，平衡派糖才得上上之簽。
逢星期一至四刊登