聯想（992）股東同員工真係兩種心情！上月中市場傳出聯想銷售欠佳，拖累股價係咁跌，個半月唔見咗兩成，雖然主席楊元慶即刻澄清，安撫投資者，但明顯力度唔夠，佢對班前線員工就出心出力好多。
一萬員工各分二千
楊元慶最近喺個人年度獎金入面攞咗300萬美金（2340萬港幣）出嚟，分畀聯想近一萬位基層員工，兌番人仔即係每人獲發接近2000蚊「元慶特別獎」，需知道內地工人每月都係幾千蚊人工，2000蚊獎金真係好多錢㗎。
照咁睇，佢哋以後應該會更加盡心盡力工作，力求聯想業績繼續增長，到時楊總分到多啲年度獎金，話唔埋又攞出嚟同大家分，聯想業績好，股價又會升，咁股東都開心啲，楊總呢招真係高！可惜呢個只係華華個人聯想，聯想股東唔好開心住，但不防聯想吓。